Positibo iti ‘antidepressant drug’ ni sigud a Department of Public Works and Highways (DPWH) Undersecretary Maria Catalina Cabral.
Daitoy iti rimuar iti initial laboratory report ti Philippine National Police (PNP) iti bangkay ni Cabral.
Maibasar iti toxicology report, rumrumuar a nagpositibo ni Cabral iti panagusar ti Citalopram a maysa nga anti-depressant drug.
Kabayatanna, awan met ti terminal diseases ni Cabral maibasar iti resulta ti histopathological exam.
Bayat a nag-match met iti fingerprint daitoy iti umuna nga imbestigasion.
Kinumpirma ni Acting PNP Chief Police Lt. Gen. Jose Melencio Nartatez Jr., nga adda ti narekober da a kutsilyo ken dagiti agas iti kwarto ti hotel a pinagtalinaedan ni Cabral.
Inpasigurado ni Nartatez, a sukimaten da iti kada anggulo iti kaso ti sigud nga opisial.
