Inaprobaranen ti Provincial Government of La Union ti monetary incentives babaen iti Provincial Ordinance No. 381-2022 para kadagiti amin nga senior citizen ditoy La Union.
Dagitoy a senior citizen ket kabilang iti Octogenarian nga edad 80-89; Nanogenarian nga edad 90-99 ken Centenarian edad 100.
Dagiti senior citizen nga agtawen ti 80-89 ket umawat iti P5,000; dagiti agtawen ti 90-99 ket umawat iti P10,000 idinto a dagiti agtawen ti 100 ket umawat met iti P25,000.
Mainaeg iti daytoy, kasapolan nga iparang ti birth certificate manipud iti Local Civil Registrar wenno PSA. Inkaso nga awan iti birth certificate ti nasao a senior citizen ket umanayen Senior Citizen ID, marriage certificate wenno anya dokumento a mangipaneknek iti pundo tawen dagitoy.
Kabayatan na, ti nasao a cash incentives ket maawat iti tunggal madanon iti kasangay dagiti nadakamat a senior citizens kas sagudayen iti Republic Act 10868 wenno ti National Respect for Centenarian.
Ti nasao a cash incentives ket adda pondo a P138,875.000.00.
