Agtultuloy iti panagngato ti cash remittances manipud kadagiti Overseas Filipino Workers (OFWs).
Segun iti Bangko Sentral ng Pilipinas (BSP), daitoy a bulan laeng ti Setyembre ket 3.3% ti nairekord a panagngato.
Maysa kadagiti rason a makitkita dagiti konomista ket iti umadani nga holiday season ken iti mayat a sukat ti piso kontra dolyar.
Ti personal remittances ket dimmanon iti $3.34 bilion idi Setiembre, $107 milion a nangatngato ngem iti $3.23-B a dagup idi napan a tawen iti isu met laeng a bulan.
Adda met $3.01 bilion iti dagup a gatad ti remittances a naipatulod babaen ti banko.
Mamati ti BSP nga iti sumaruno a bulan ket agtultuloy ti panagngato ti remittances iti pagilian.
