Kumiddaw ti Department of Justice iti Metropolitan Manila Development Authority wenno MMDA kadagiti kopya ti CCTV footage mainaig kadagiti insidente idiay Senado.
Karaman kadagiti idawdawat ni DOJ Secretary Fredderick Vida ket dagiti ala manipud Mayo 14 kalpasan a naglibas ni Sen. Ronald dela Rosa idiay Senado ti agarop alas-dos ti parbangon.
Nakatuding a mangisayangkat ti pisikal a panag-inspeksyon sadiay Senado ti nabukel nga Special Panel of Prosecutors a nakapamaysa iti imbestigasyon mainaig iti napasamak a pammaltog.
Inbinglay ti Sekretaryo a naawat dan dagiti reports manipud National Bureau of Investigation ken Government Service Insurance System.
Kabayatanna, kumiddaw pay ti kanayunan a panawen ti Philippine National Police tapno makumpleto ti isubmitir da a report kabayatan iti panaggun-od kadagiti kasapulan a dokumento.
