BR LA UNION – Dinutokan ni President Ferdinand Marcos Jr. ni sigud a Philippine National Police (PNP) chief Nicolas Torre III kas baro a general manager ti Metropolitan Manila Development Authority (MMDA).
Kinumpirma daytoy ni Palace Press Officer Claire Castro.
Sukatan ni Torre ni retired police Procopio Lipana kas MMDA general manager.
Nagbalin a naariwawa ti nagan ni Torre kalpasan ti panangidaulo na ti pannaka-arestar ni pastor Apollo Quiboloy ken sigud a President Rodrigo Duterte iti International Criminal Court gaputi crimes against humanity.
Nupay saan a nalawag ti pannaka-ikkat ni Torre kas Chief PNP, maysa a makunkuna a makagapo ket ti saanda a panagkinnaawatan iti National Police Commission (NAPOLCOM) gaputi maipagarop nga iligal a panangdutok kadagiti opisyal ti pulisiya manipud naduma-duma a rehiyon.
