BR LA UNION – Nangidanon ti mensahe ni sigud a PNP chief ken agdama nga MMDA General Manager Nicolas Torre III kenni sigud a Presidente Rodrigo Duterte iti tengnga ti sangsangwenna a kaso a crimes against humanity idiay International Criminal Court (ICC).
Segun kenni Torre, agpannuray ti hustisiya iti udi ken sapay kunana nga adda kenkuana ti gasat ken nasayaat a kasasaad.
“Justice will prevail in the end. I wish him luck, and I wish him well,” mensahe ni Torre.
Maipalagip, ni Torre ti nangidaulo iti pannaka-arestar ti sigud a presidente, idi isuna pay ti hepe ti PNP Criminal Investigation and Detection Group (PNP-CIDG) idi Marso napalabas a tawen.
Idi Miyerkules, pinasingkedan ti ICC Appeals Chamber judges iti hurisdiksiyon na iti crimes against humanity case kontra kenni Duterte.
Gaputi dayta, ibilang ti Appeals Chamber a “moot” wenno awanen serbi na iti kiddaw ti depensa para iti immediate ken unconditional release ti sigud a presidente.
