Indauloan ni Cebu Archbishop Jose Palma ti maysa a Eucharistic Vigil idi rabii ti Pebrero 20 saiay Martins of Lisieux Chapel, San Carlos Seminary College tapno kararagan ti madagdagos a panagimbag ni Pope Francis.
Nangrugi ti prayer vigil ti alas-10 ti rabii agingga aldaw ti Biyernes, Pebrero 21, a napasarunuan pay ti sagrado a misa ti alas sais ti bigat.
Naguummong iti vigil dagiti miembro ti lay faithful kasta met dagiti formators ken seminarista manipud ti archdiocesan seminaries of Cebu.
Karaman kadagiti nakipaset ti prayer vigil ket ti Pope John XXIII Minor Seminary, San Carlos Seminary College, ken Seminario Mayor de San Carlos.
Kabayatanna, pinaregta met ni Palma dagiti managkararag nga itultuloy ti aktibidad agingga iti naan-anay a panagimbag ti Santo Papa.
Inkararagan na pay dagiti health care professional nga agdama a tumultulong iti Santo Papa a mangpaimbag ti sakit daitoy.
Iti agdama ket nakaconfine sadiay Gemelli Hospital idiay Roma ni Pope Francis ken manarimaan ti pannakataming ti bara na a tinamaan ti double pneumonia.
