BR LA UNION – Impakita ti Coast Guard District North Western Luzon (CGDNWLZN) iti kinasagana dagiti personnel ken dagiti alikamen da babaen ti maysa nga Static Display a tampok iti kabaelan dagiti Deployable Response Group (DRG).
Kadwa da iti nasao a ganwat dagiti personnels manipud iti station, sub-stations, ken Operational Control (OpCon) Units.
Paset daytoy iti nainget a panagsagana ti Philippine Coast Guard bayat nga agtultuloy ti panang-monitor ti Super Typhoon Bavi a maawagan ti local name nga Inday nu naan-anay a a sumrek iti Philippine Area of Responsibility (PAR).
Segun iti Coast Guard District North Western Luzon, agtultuloy ti dedikasyon da a taripatwen ti kinatalged dagiti umili ken panagbalin a nakasagana maipapan ti panagsango kadagiti pangta ti didigra ken emerhensiya iti kabaybayan.
