BR LA UNION – Naka-hightened alert iti Coastguard District North Western Luzon gaputi pangta ti Enhanced Soutwest Monsoon wenno Habagat iti Northern Luzon ken kabangibang a probinsya.
Iti interview ti Bombo Radyo La Union kenni Lieutenant Junior Grade Dado M. Ab-abulon Jr. , Officer In Charge iti Community Relations Office, kinuna na a naka-alerto dagiti coastguard stations ken sub-stations tapno masiguro a napaspas ti panag-responde ingkaso nga adu dagiti pamilya a maapektaran gapwanan ti habagat.
Kinuna pay ti opisyal nga adda iti 60 a response group a buklen ti 400 a kameng ti Philippine Coastguard-North Western Luzon para iti nasapa a deployment.
Nakasagana met iti 10 a land assets ken 28 floating assets para iti search and rescue operations, maritime patrol ken evacuation support.
Nairut a mabanbantayan dagiti pantalan, karayan, ken dadduma pay a kadanuman iti rehiyon uno.
Iti agdama, nakangato iti orange rainfall warning iti tallo a probinsya iti Ilocos Region, ket namnamaen iti 100 to 200 mm a buyat ti tudo.
Nabalakadan met dagiti residente nangruna dagiti mangngalap ken biyahero a saan pay laeng nga agpataaw ken ugalien ti kanayon a dumngeg kadagiti pakdaar seknan iti dakes a panawen, kabilang iti lokal nga otoridad.
Aktibo pay ti pannaki-koordinar ti ahensiya kadagiti Local Government Units ken dadduma pay nga ahensiya ti gobierno para iti napaspas a panagresponde.
Nagpalagip pay ti opisyal nga agbalin a kalmado, sumurot iti evacuation order ken maki-koordinar a dagus iti kaasetgan a coastguard station nu kasapolan.
