BR LA UNION – Namantinir ti bagyo Pilandok ti kapigsa na bayat a dup-dupagenna iti laud amianan-a-palaud wenno iti kabaybayan – daya ti Extreme Northern Luzon.
Naudi a nasaripatpatan iti sentro ti Tropical Depression PILANDOK iti kaadayu a 1,100 km daya ti Extreme Northern Luzon, kabuyog ti angin a 45 km/h asideg iti sentro ken kapegges a dumanon agingga iti 55 km/h.
Agturturong iti laud amianan-a-palaud iti kapartak a 10 km/h.
Iti agdama, awan ti lugar a nakaipasidongan ti ballaag ti bagyo.
Maibasar iti forecast track ti weather bureau, posible a saan nga ag-landfall ti bagyo Pilandok ken agtalinaed nga adayu iti kadagaan ti Pilipinas.
Nupay kasta, imballaag ti PAGASA nga ‘uncertain’ iti forecast track isunga mabalin nga adda pagbaliwanna iti sumarsaruno a bulletin.
Ti bagyo Pilandok ket agtalinaed a tropical depression ti kategorya na agingga rabii inton bigat ken kumapsot kas remnant low bayat ti kaadda na iti Philippine Sea inton Martes, Setyembre uno, 2026.
Kabayatanna, tallo pay a low-pressure areas (LPAs) iti mabanbantayan iti ruar ti Philippine Area of Responsibility (PAR).
Ti LPA 08l ket nangato ti tiyansa a ma-develop kas bagyo iti sumaganad a 24 nga oras.
Ti LPA 08k (sigud a SUADEL/OBET) ket addaan ti MEDIUM chance nga ag-redevelop a bagyo iti sumaganad a 24 nga oras.
Ti maikatlo nga LPA 08m ket nababa ti tiyansa a mabukel kas bagyo iti sumaganad a 24 nga oras.
Iti met southwest monsoon wenno habagat ti mangipapaay ti napigsa a panagtudo iti intero nga Ilocos Region, Abra, Benguet, Bataan, Zambales, Tarlac, ken Pampanga agingga inton bigat, Agosto 31, 2026.
