BR LA UNION – Mamati ni sigud nga Ilocos Sur governor Luis “Chavit” Singson a mapatakyas ni Presidente Ferdinand “Bongbong” Marcos Jr. gaputi anomalya iti flood control projects ti gobyerno.
Iti maysa a press conference idiay San Juan City, kinuna ni Singson nga agtalek iti Diyos ken iti milagro ken kumpiyansa nga adda mapasamak a panagbalbaliw.
Inlanad na pay dagiti makunkuna nga ebidensiya ken testimonya mainaig iti administrasyon ni Presidente Marcos ken ti amana.
Impaganetget pay ni Singson a napateg a testigo iti government contractor a ni Sarah Discaya, a kunana a nagpudno a nagiwaras ti kickback, kasta met kenni sigud nga Ako Bicol Rep. Zaldy Co, a kunana ket nagpardas a naidarum.
Impaganetgetna pay a ti retirado a Marine a ni Orly Guteza ket maipagarop nga ilemlemmeng ni Martin Romualdez.
Innayon ni Singson a pinilina nga iruar ti rebelasyon ita a bulan gapu iti simboliko a kaipapanan ti numero 40, ken inawaganna ti isyu a “Grand Conspiracy” wenno dakkel a panagkukumplot kontra iti publiko.
