Saan a mabalin nga italek iti China Coast Guard (CCG) ti responsibilidad ti Western and Central Pacific Fisheries Commission (WCPFC).
Daitoy ti kinuna ni Philippine Coast Guard spokesperson for the West Philippine Sea (WPS) Commodore Jay Tarriela nu sadino napaliiw na a saan nga ininspeksion ti CCG vessel 5303 dagiti barko ti Chinese maritime militia idi simmangpet da idiay Escoda Shoal idi laeng nabiit.
Nabukel ti Western and Central Pacific Fisheries Commission babaen ti Convention for the Conservation and Management of Highly Migratory Fish Stocks in the Western and Central Pacific Ocean a naipatungpal idi pay Hunio 2004.
Daytoy ket mangtaming kadagiti isyu a kas unregulated fishing, overcapitalization, excessive fleet capacity, vessel reflagging to escape controls, insufficiently selective gear, unreliable databases, insufficient multilateral cooperation, ken dadduma pay.
Segun ken ni Tarriela, inrehistro ti China ti CCG 5303 iti Western and Central Pacific Fisheries Commission Register of Authorized Inspection Vessels.
Nupay agpada a member states ti Pilipinas ken China iti WCPFC, iti ipapan dagiti CCG 5303 personnel idiay Escoda Shoal tapno sukatan ti CCG vessel 5901 ket saan met a nang-inspeksion kadagiti barko ti Chinese maritime militia tapno kitaen ti saan panagtungpalda kadagiti linteg maipapan iti panagkalap.
Nu ketdi, bigbigen ti CCG dagiti barko ti Chinese maritime militia kas paset ti operasionda a tumultulong kadakuada a mangsakup kadagiti exclusive economic zones ti dadduma pay pagilian idiay West Philippine Sea.
