Impasiguro ti China iti proteksiyon kadagiti karnengan dagiti tallo a Pilipino a nakadetene tatta iti naso a pagilian gapo iti mapapati a panagespiya.
Segun kenni Chinese Ambassador to the Philippines Huang Xilian, tarigagay ita daitoyen ti Philippine Consular office idiay China.
Makikokoordinar metten iti consular office ti Pilipinas kadagiti otoridad idiay Chinese kadagiti amin nga saritaan maipaenggep dagiti tallo a Pilipino.
Sungbat dayta ti opisyal ti China idi nadamag nu palubosan da metlaeng dagiti pamilya dagiti inkullong a makabisita kadakuada.
Iti biang met ti Pilipinas, immunan a kinuna ti Department of Foreign Affairs (DFA) a maipapaayen ti amin a kasapulan a tulong babaen ti Philippine Consulate General idiay Guangzhou karaman iti legal a suporta.
Nagtignay met ti daduma nga opisyal ti Pilipinasa saan nga espiya dagiti tallo a Pilipino. Immuna payen a kinuna ti National Security Council nga ordinaryo nga Pilipino laeng dagitoy nga awanan ti aniaman a military training.
Posible met a panangibales wenno retaliation ti China kontra Pilipinas ti pasamak kalpasan ti serye dagiti lehitimo a pannakaarestar dagiti Chinese a karaman kadagiti ilegal nga Philippine Offshore Gaming Operators (POGO) kadagiti napalabas a bulan.
