Inlibak ti China ti alegasion a panang-hack iti telepono ni Philippine Ambassador to the US Jose Manuel Romualdez.
Daytoy ket kalpasan nga imbaga ni Ambassador Romualdez iti maysa a forum iti American University School International Service idiay Washington idi napan a lawas a masapul a sukatanna ti teleponona iti 4 wenno 5 a daras kalpasan a pinuntiria daytoy ti Chinese hacker.
Kinuna pay ti pH envoy a dagiti phone hackings idiay US ket aramid dagiti Chinese hackers nu sadiay maysa isuna kadagiti target , kas maibasar kadagiti Intel sources-na.
Kinunana a naipalgak ti isyu kenni Chinese Ambassador Huang Xilian iti maysa a miting tapno isardengen ti hacking gapu ta dinan a kabaelan ti gumatang iti adu nga telepono.
Iti maysa a statement, kinuna ti maysa nga opisyal ti Chinese Embassy idiay Manila nga iberpikar na pay ti isyu nga impadanon ni Ambassador Romualdez ken ni Embahador Huang – nakigtot met dagitoy agsipud ta nabayag dan a saan a nagsasao ti Ambasador.
Segun iti Chinese Embassy official, nabayagen a saan a nagsarita ti dua nga envoy maipapan kadagiti isyu ti Chinese hacking ken saan nga ammo ni Ambassador Huang no sadino ti nakaalaan ni Romualdez iti estoria na.
