Inwaragawag ti China ti panangipaulog ti kabaroan a sanctions kadagiti 20 a defense firms ti Estados Unidos gapo iti panaglako da ti armas idiay Taiwan.
Karaman kadagiti napaulogan ti sanction ket ti Boeing’s defense manufacturing outpost idiay St. Louis, ti aerospace giant Northrop Grumman ken dadduma pay.
Adda pakabuklan a 10 nga industry executives ti apektado kadagiti sanctions ken naparitan payen dagitoy a sumrek iti pagilian da, pakairamanan ti Hong Kong ken Macau.
Karaman pay ti napawilan a makinegosyo kadagiti nasao a kompanya ket dagiti Chinese entities ken dagiti assets da idiay China ket mai-freeze.
Segun iti Foreign Ministry ti China, panaglabsing ti one-China principle ti arms sales a seryoso a makadadael iti soberaniya ken territorial integrity da.
Pagaammo ti Estados Unidos a kadakkelan a supplier ti armas idiay Taiwan, nu sadinno. Nabiit pay a pinasingkedan ti Taiwan nga inaprobaranen ti Estados Unidos ti $11-B defense sales a maysa kadagiti kadakkelan a weapons packages a maipaay iti pagilian da.
Maipalagip nga ipagpaganetget ti China a paset ti teritoryo da iti Taiwan, ngem nainget met nga iliblibak daitoy iti self-ruled island.
