LA UNION – Babaen iti pirmado nga mission order ni Bureau of Immigration Commissioner Norman Tansingco, niraut dagiti kameng ti Bureau of Immigration Fugitive Search Unit ken Presidential Anti-Organized Crime Commission iti maysa a resort ditoy La Union tapno arestaren iti maysa nga Chinese Big Boss ken Hacker iti Lucky South 99.
Segun iti Bureau of Immigration, manipud kadagiti nagsasaruno a panagraut ti gobierno kadagiti Philippine Offshore Gaming Operations hubs idiay Pampanga, nangrugi metten nga tumakyas dagiti sindikato ken plano-da nga itultuloy iti operasyon da ditoy Norte.
Kabayatanna, awan pay met iti statement iti suspek ken madama daitoyen a nakadetene idiay Bureau of Immigration detention facility, Taguig City.
Imimbestigaran metten iti Presidential Anti-Organized Crime Commission iti Hacker tapno makaala pay iti naan-anay nga impormasyon mainaig iti dadduma pay a boss iti Lucky South 99.
Segun kadagiti Chinese police, iti suspek ket sumangsango iti fraud charges idiay China.
