Impadamag ti Bureau of Immigration (BI) ti naballigi a pannakatiliw ti maysa nga Chinese national a wanted for deportation ti ahensia gapu iti maipagarup a pannakairamanna iti human trafficking ken prostitution.
Kinuna ni BI Commissioner Joel Anthony Viado, naharang da ti 51-anyos a ni Du Shuizhong idiay NAIA terminal 1 idi Setiembre 19 idi aglugan koma isunan iti eroplano nga agturong idiay Chengdu, China.
Saan a napalubosan ni Du a makabiyahe, nu ketdi, kinemmeg ken inturong dagiti otoridad sadiay BI detention facility, Camp Bagong Diwa, Taguig City.
Segun kenni Viado, maisubli ni Du idiay China kas maibasar iti deportation order nga inruar ti BI board of commissioners kontra kenkuana idi Nobiembre idi napalabas a tawen gapu iti panagbalin na nga undesirable alien.
Na-blacklist pay ni Du ken maipariten nga agsubli ditoy Pilipinas.
Agparparang kadagiti rekord a siguden a naidarum ni Du babaen ti BI gapu iti panagbalin na nga undocumented ken undesirability kalpasan a natakuatan nga agtartrabaho daitoy iti maysa nga establisimiento a karaman iti prostitution ken labor exploitation.
Agtalinaed daytoy iti pasilidad ti BI agingga iti pannakaipatungpal ti pannakaideporta na.
