Nangisayangkat ti naidumduma ken sorpresa a panagbisita ni Chinese President Xi Jinping idiay Tibet.
Dinar-ayan na ti maika-60 a tawen a pannakaipasdek ti Tibet Autonomous Region a magagaran dagiti tao para kadagiti aktibidad nga adda pakainaigan na kadagiti alikamen nga addaan ti nagduduma a maris.
Intag-ay dagiti Tibetians ti bandera ti China bayat a nagmarcha met ti People’s Liberation Army a bitbit dagiti armas da idiay Potala Palace.
Ti 72-anyos a ni Xi ket isun ti kalakayan a Chinese leader a bimmisita idiay Lhasa, capital ti Himalayan region.
Maudi na a binisita ti lugar idi tawen 2021 idi rinambakan da iti maika-70 a tawen ti “peaceful liberation” idi panawen a naipasidong da ti liderato ti China.
Pagaammo a manipud idi nagtugaw ni Xi ket pinapigsa nan ti seguridad ti rehiyon ken pinaregta na amin a Tibetian nga agtungpal iti administrasyon na.
