Kummiddawen ti Criminal Investigation and Detection Group (CIDG) iti International Criminal Police Organization (Interpol) tapno ag-issue ti red notice kontra kenni sigud a presidential Spokesman Attorney Harry Roque kas pinasingkedan met ni CIDG Director Major General Nicholas Torre III.
Sakbayna ket nangipatuloden ti tracker teams ti CIDG para ti pannakaarestar kadagiti 50 a dadduma pay nga akusado ni Roque, karaman ditan ni Cassandra Li Ong a maim-imbestigaran met gapo iti pannakainaig na ti illegal Philippine Offshore Gaming Operator (POGO).
Maipalagip a nangipaulog ti Angeles City Regional Trial Court Branch 118 ti arrest warrant kontra kenni Roque idi Mayo 15 gapo iti panaglabsing na iti Republic Act 9208 wenno Anti-Trafficking in Persons Act of 2003.
Nagtaud ti kaso kontra kenni Roque, Ong ken 49 a sabali pay iti impila a kaso ti Department of Justice idi bulan ti Abril gapo ti ilegal nga operason ti scam hub a Lucky South 99 sadiay Porac, Pampanga.
