Kitkitaen ti Senate impeachment court a maysa ti posible nga option da ket iti panag-contempt apaman nga agpatangken latta ti Kamara ken saan a sungbatan ti makidkiddaw a resolusyon mainaig latta ti impeachment case kontra kenni Bise Presidente Sara Duterte.
Segun ti pannakangiwat ti impeachment court a ni Atty. Reginald Tongol, nakalanad ti Rule 7 ti impeachment rules nga addaan ti bileg ti presiding officer wenno iti korte a motu-proprio ken ipa-cite for contempt da ti siasinoman.
Inlawlawag ni Tongol a mabalin nga i-mosyon ti opposing parties a defense wenno prosecution panel iti panagcontempt.
Nupay kasta, innayon na met nga agbalin a maudi a wagas laeng ti panag-contempt ti impeachment court gapo ta saan met nga strikto ni presiding officer Chiz Escudero ti panag-apply dagiti probisyon ti impeachment rules partikular iti silulukat a panagdakamat iti impeachment iti publiko.
Nu madlawan kunana, saan pay a strikto ti panangipatungpal ti Rule 18 a mangdakdakamat ti gag order wenno amin a senator judges, prosecutors ken abogado ket saanen a rumbeng nga agsao mainaig iti merito ti kaso.
