Opisyalen a nagleppas ti dua nga aldaw a Government Job Fair 2025 ti Civil Service Commission Region I kas paset iti panangrambak iti maika-125 a Philippine Civil Service Anniversary nga addaan ti tema a “Bawat Kawani, Lingkod Bayani: Puso, Dangal at Galing para sa Bayan.”
Naangay daitoy iti maysa a nalatak a mall ditoy ciudad ti San Fernando a maysa nga inisyatiba ti komisyon para iti awag kadagiti mangayat a rugian ti karera da iti serbisyo-publiko.
Ti Job Fair ket nakisalipan dagiti nagduduma nga ahensya ti gobierno, institusyon, ken hanay dagiti unipormado a kameng ti linteg kas iti Provincial Government of La Union, Technical Education and Skills Development Authority, Department of Social Welfare and Development, Department of the Interior and Local Government, Land Transportation Office, Don Mariano Marcos Memorial State University, Ilocos Training and Regional Medical Center, Philippine Drug Enforcement Agency, Philippine National Police uniformed and non-uniformed personnel, Bureau of Fisheries and Aquatic Resources, ken dadduma pay.
Nagbalin met daitoy a silulukat para kadagiti Persons with Disability, indigenous people, kasta met kadagiti miembro ti LGBTQIA+ community. Imbatad dagiti nakipaset iti aktibidad nga ipangpangruna da a punnoan dagiti posisyon a Job Orders ken Contract of Service Workers.
