Dinugtungan ken intuloy ti agdama nga administrasion ni Presidente Ferdinand Marcos Junior ti nairugi nga aktibo a legal claims ti pimmusay a Presidente Benigno Simeon ‘Noynoy’ Aquino III kadagiti isla idiay West Philippine Sea.
Dinakamat ni Cagayan de Oro 2nd District Congressman Rufus Rodriguez ti arig na dakkel a nagdumaan ti foreign policy da Marcos ken dati a Presidente Rodrigo Duterte maipapan ti teritorial dispute iti nagbaetan ti Pilipinas ken China.
Manipud iti statement ni Rodriguez, karaman isuna kadagiti pinaayaban ni Aquino idiay Malacañang mainaig iti nasao a banag gapu ta nagserbi met isuna kas international lawyer isu nga inkeddeng ti Pilipinas ti makikadua iti China iti arbitrary tribunal.
Nupay kasta, saan nga intandudo ken inusar daitoy ti administrasion ni Duterte nu ketdi sabali ti foreign policy approach ti sinurot ti Pilipinas nga agturong iti pro-China.
Daytoy ti rason no apay a nalatak nga isubsubli administrasion ni Marcos a mangituloy iti inrugi ti liderato ni Aquino ken tapno maipakita iti sibubukel a lubong ti agresion ken bullying ti China iti amin nga aktibidad ti Pilipinas idiay WPS.
Bukod met a panagkita ni Rodriguez a kasla naannad China a saan a mangirugi iti gubat ta sigurado a marigatan daytoy a mangakseptar iti global action kontra iti illegal a pannakibiangda iti Pilipinas.
