LA UNION – Nagpanawagan ti Commission on Audit iti Land Transportation Office (LTO) a sungbatan da iti panagkur-kurang ti plaka dagiti lugan.
Maibasar iti report ti COA, adda pay ti nasurok siyam a milyon a plaka dagiti motorsiklo iti saan pay a nairwar.
Malaksid dayta, iti nasurok 1.6 milyon a replacement plates dagiti lugan nga agbalor ti P763-M ket nabayadanen sipud pay idi 2015.
Segun met iti LTO a bimmaba ti nasao a backlog manipud iti sigud a nasurok 13 milyon.
Maysa kadagiti kangrunaan a makagapo ket problema iti bidding dagiti plaka idi 2014 a nagbanag iti kinnaso ken pannakairuar ti temporary restraining order.
