Urayen ti Commission on Elections (COMELEC) nu anya ti agbalin a desisyon ni Presidente Ferdinand R. Marcos Jr. gakat a term extension para kadagiti Barangay and Sangguniang Kabataan (BSK) officials.
Kasaruno daitoy a makalusot ti maikatlo ken maudi a panagbasa idiay Kamara ti panangpawayway ti termino dagiti Barangay ken SK officials iti innem a tawen manipud ti sigud a tallo a tawen.
Babaen ti online interview ket kinuna ni Comelec Chairman George Erwin Garcia nga urayen da pay nu permaan metlaeng daitoy ni Presidente Marcos Jr.
Kabayatanna, posible met ti kaadda ti panagbalbaliw ti petsa ti panaglukat ti voter’s registration. Idi kalman ket inwaragawag ti Palasyo a matuloy ti Barangay and Sangguniang Kabataan Elections (BSKE) inton Disyembre agingga saan pay a pumasa kas linteg ti gakat a mangitantan ti eleksyon.
