All-set itan ti Commission on Election (COMELEC) para ti proklamasyon dagiti 12 a nangabak a senador.
Segun kenni COMELEC chairman George Garcia, matuloy ita nga Mayo 17 ti proklamasyon a maangay sadiay Tent City ti Manila Hotel agarop alas-tres ti malem. Ditoy ket mapalubosan dagiti nangabak a kandidato a mangitugot ti 10 agingga 15 a kakadwa da.
Tunggal kandidato met ket maikkan ti tig-lima a minutos tapno agyaman kadagiti nagsuporta kadakuada.
Innayon na pay a mangipatuloden ti National Board of Canvassers (NBOC) iti formal invitations kadagiti 12 a senadors.
Maipalagip nga idi Biernes idi nairuar dagiti maibilang kas “magic 12” a nagballigi a senador idi kallabes nga election;
Pakairamanan iti listaan isuda:
Christoper “Bong” Go – 27, 121,073
Bam Aquino – 20, 971, 899
Ronald “Bato” Dela Rosa – 20, 773, 946
Erwin Tulfo – 17, 118, 881
Kiko Pangilinan- 15, 343, 229
Rodante Marcoleta- 15, 250, 723
Panfilo “Ping” Lacson – 15, 106, 111
Vicente “Tito” Sotto III – 14, 832, 996
Pia Cayetano – 14, 573, 430
Camille Villar – 13, 651, 274
Lito Lapid – 13, 394, 102
Imee Marcos – 13, 339, 227
Kabayatanna, inton Lunes met, Mayo 19 iti pannakaangay ti proklamasyon dagiti nangabak a Party-list groups.
