Nagpalpalagip ti Comelec maipapan kadagiti umno a rukod ken panangikabil kadagiti campaign paraphernalia ditoy La Union.
Daytoy ti palagip ti Provincial Election Supervisor Atty. Joel Gines kenni Atty Reddy Ceralde Balarbar, Assistant Regional Election ken Director/Acting City Election Officer ditoy syudad.
Mangrugi ti campaign period inton Oktubre 19 aginggana Octobre 28 dagiti kandidato iti Barangay ken Sangguniang Kabataan Elections.
Segun iti COMELEC, kasapolan a saan a lumbes ti 2ft x 3ft, 3ft x 8ft dagiti poster para iti political rally wenno meeting de abanse idinto a 8.5 inches x 14 inches para kadagiti pamphlet, leaflet ken stickers.
Dagiti campaign paraphernalia ket masapol a maikabit kadagiti common poster areas nga inkeddeng ti Comelec.
Mabalin met a maikapet dagiti campaign materials kadagiti pribado a sanikua laketdi adda pammalubos dagitoy.
Kasapolan a maamuan no siasino ti nagbayad kadagiti political advertisements ken campaign materials dagiti kandidato.
Impalagip pay ti COMELEC a P5 pesos laeng ti kasapolan a gastos dagiti kandadito kadagiti botante nga isu ti ideklarada iti Statement of Contribution for Spending Sxpenditures (SOCE).
Kabayatan na, nainget a maiparit ti aniaman a porma ti panagkampanya, in-person ken iti social media, agingga a saan pay a nangrugi ti campaign period inton October 19-28, 2023.
