Nakipamaysa ni CIBAC Party-List Representative Brother Eddie Villanueva kadagiti awag para iti Kamara nga ibabawi ti pannakaipasardeng ti singasing a mangipatungpal iti comprehensive sexuality education.
Daytoy ti House Bill 8910 nga impasa ti Kamara iti maikatlo ken maudi a pannakabasa sakbay ti 2023 kas sungbat iti nasapa a panagsikog dagiti agtutubo.
Umanamong ni Villanueva a rumbeng a marisut ti panagsikog dagiti agtutubo ngem kinunana a dakes ti panangipatungpal iti comprehensive sexuality education.
Impaganetget ni Villanueva a daytoy ket panangkopia laeng kadagiti polisia dagiti sabali a pagilian a maikontra iti konstitusion ti Pilipinas ken mangdadael iti pagayatan ti Dios ken ti ken family-centered values a kaugalian ti Pilipino.
Kangrunaan a kinontra ni Villanueva ti linaon ti singasing a dagiti ubbing nga agtawen iti innem ket mabalinen a maisuro iti edukasion maipapan iti seksualidad uray maipapan iti masturbasion, oral sex, anal sex, ken dadduma pay.
