Arestado dagiti otoridad iti maibilbilang nga Street Level Indibidwal babaen ti Drug Buy-Bust operation idi kalman,Agosto 15, 2023 idiay Barangay Poro, San Fernando La Union.
Nabigbig ti managan John Michael Sibayan, 27 -anyos ,awanan asawa ,ken agdama nga construction worker ken residente iti Barangay Santiago Norte.
Nakumpiskar dagiti otoridad kenkuana iti maysa a pidaso nga heat sealed transparent plastic sachet a maipagarop nga naglaon daytoy ti maatap a shabu ken mapatta patta nga agdagsen ti 0.2 gramo nga agbalor ti P1,360, maysa a pidaso nga One Thousand Peso Bill kas nagserbi nga Drug Buy Bust Money, tallo a pidaso nga heat sealed transparent plastic sachet containing white crystalline substance wenno maipagarup a shabu nga agdagsen ti mapatta patta a 0.6 gramo agbalor ti P4,080, maysa a unit ti mobile phone ken maysa a belt bag nga agmaris ti nangisit .
Kalpasan iti pannakaarestar daytoy, dagus a naiturong ti San Fernando Police Station para iti umno a disposisyon daytoy.
Agdama a sumangsango ti suspect iti kaso a panaglabsing iti RA 9165 wenno iti Comprehensive Dangerous Drug Acts of 2002.
