Impamatmat dagiti soldado a Pilipino ken Amerikano ti synchronized firepower ken napartak a panagresponde kabayatana iti high-intensity counterlanding ken Live-Fire Exercise idi Mayo 3, 2025 idiay Barangay Dodan, Aparri, Cagayan kas paset ti Balikatan Exercises 40-25.
Ti tema ti joint military exercise ita ket panagdepensa ti makin-amianan a paset ti teritoryo ti pagilian. Naipabuya ti drill simulation ti panangpabagsak ti Amphibious Task Group a mangibagi met ti puwersa a mangpadpadas a sumakop ti makin-Amianan a kosta ti pagilian.
Para iti napartak a panagsungbat, dagiti nagbinnulig a puwesa ti Pilipinas ken Estados Unidos ket nangisayangkat ti coordinated counter-landing operation tapno lappedan ti pannakaipasdek ti foothold iti nasao a lugar, a mangipakpakita met ti napigsa ken agutltuloy a nga interoperability.
Impakita dagiti soldado manipud Philippine Army ken Philippine Marine Corps ti kinalaing da ti panangusar kadagiti moderno nga assets, pakairamanan dagiti Sabrah battle tank, Light Armored Vehicles (LAVs), ATMOS 155mm self-propelled howitzer, ken kanayunan a firepower manipud ti 105mm howitzers.
Ti panangaramat kadagiti advanced systems iti pang-target kas iti Smart Shooter ken dagiti elemento ti panagmaniobra dagiti soldado ket nangpapigsa pay ti defensive position.
Kabayatanna, nangipaay met ti air ken land support dagiti puwersa ti Estados Unidos, pakairamanan dagiti asset kas ti AH-64 Apache attack helicopter, F-16 aircraft, ken P-8A Poseidon aircraft a nangisayangkat ti maritime surveillance ken reconnaissance.
Nangipaay da pay ti real-time targeting babaen ti cutting-edge cuing ken sensing system, ng adda ti direkta a suporta na kadagiti babassit nga armas.
Daitoy a live-fire drill ket nangipakita ti kinasagana dagiti kaalyado a pwersa ken napapigsa a desisyon ti paagprotektar kadagiti estratehiko a lugar kadagiti kosta ti pagilian, kasta met iti maritime security ditoy Indo Pacific Region.
