BR LA UNION – Adda pay laeng iti ruar ti Philippine Area of Responsibility (PAR) iti Super Typhoon BAVI ngem naikkanen ti nagan nga INDAY kalpasan nga impangato ti PAGASA iti Tropical Cyclone Wind Signal #1 iti northeastern portion ti Cagayan (Santa Ana, Gonzaga, Lal-Lo, Gattaran, Santa Teresita).
Maibasar iti 11:00 PM bulletin ti PAGASA, naudi a nasaripatpatan iti sentro ti Super Typhoon INDAY iti kaadayu 1,545 km daya ti Northern Luzon (OUTSIDE PAR).
Kabuyog ti angin a 185 km/h asideg iti sentro ken kapegges nga umabot iti 230 km/h.
Dup-dupagenna iti pa-laud iti kapartak a 30 km/h.
Segun iti PAGASA, ti bagyo Inday ket manamnama a sumrek iti Philippine Area of Responsibility agsapa inton bigat (July 8).
Bayat ti panagtalinaed na iti Philippine Sea, agtultuloy a dupagenna iti amianan-a-palaud ken umasideg iti Extreme Northern Luzon inton Biyernes (July 10) sakbay nga agtultuloy nga agturong idiay Amianan ti Taiwan.
Agtalinaed iti kategorya a super typhoon ti bagyo Inday agingga Huwebes (July 9), ngem namnamaen a kumapsot iti malem wenno rabii ti Huwebes, agingga nga agbalin a Typhoon iti nabatbati a forecast period.
