Normal laeng ti inaramid ni Presidente Ferdinand ‘Bongbong’ Marcos Jr. a panagparesign kadagiti cabinet members para ti recalibration ti administrasyon.
Segun iti political analyst a ni Attorney James Reserva, nakita ti Presidente a saan a napintas ti performance dagiti gabinete na kadagiti umuna a tallo a tawen ti termino na kas maibasar metten ti resulta ti eleksyon a pinili dagiti tao ti mangilaksid iti alyansa na.
Tapno makabales ket pinagsubmitir ti Presidente ti courtesy resignations dagiti cabinet secretaries na tapno ma-evaluate ti performance da ken nu adda iti mapaspasamak nga korapsyon.
Ti problema a makitkita ti political analyst ket ti partidong Alyansa ng Pagbabago a line-up dagiti Duterte a maibilbilang kas underdog nu idasig ti kampo ti administrasyon a mas pinaboran dagiti Pilipino.
Gapo iti dayta ket nagbaliw ti ‘game plan’ nga itan ket maikabil iti puesto dagiti baro a players tapno maipadanon a talaga kadagiti umili a Pilipino ti epektibo nga serbisyo laksid ti nagduduma nga pa-ayuda nga impaay ti gobyerno.
Innayon ti abogado nga adda itan ti panic mode ti administrasyon kalpasan a saan a nagbalin ti game plan a nangrugi idi impa-impeach da ni Vice President Sara Duterte a napasarunuan pay ti pannakaarestar ti sigud a Presidente Rodrigo Duterte.
Nakaayon pay iti momentum dagiti Dutertes ti kinuna ni VP Sara a bloodbath iti impeachment trial na a nakadanagan ita ti administrasyon, rason para iti pannakaiyuswat ti makuna a radical adjustment.
