Personal a bummisita ti Philippine National Police (PNP) Chief a ni Police General Rommel Francisco Marbil idiay Rizal Police Station tapno direkta nga idauloan ken ammuen ti agdama nga estado ti Special Investigation Task Group seknan ti pammaltog kenni incumbent Mayor Joel Ruma.
Nainget a binilin ni Marbil ti madagdagos ken nauneg nga imbestigasyon iti insidente agsipud ta napigsa iti panagtalek na a babaen iti kastoy ket napartak a masosolusyunan ti kaso.
Kabayatanna, nakatutok met ita ti PRO II ken ti SITG iti panangala kadagiti umdas nga ebidenysa ken kadagiti CCTV footages iti lugar ken uray dagiti posible nga agserbi kas witnesses iti insidente a dakkel a katulongan iti nasao nga insidente ti pammaltog.
Sakbay daitoy ket personalen a nangisayangkat ti inspeksyon ti PRO II ti nakapasamakan ti insidente ken agtalek met ni Marbil a sibubukel ti suporta dagiti maseknan nga ahensya para ti madagdagos a pannakaresolbar ken panangipaay ti hustisya kadagiti naibati ni Mayor Joel Ruma.
