Inadmitir ti National Task Force to End Local Communist Armed Conflict (NTF-ELCAC) a mabalin a mangisaysayangkat latta iti recruitment ti CPP-NPA-NDF kadagiti agtutubo.
Segun kenni NTF-ELCAC Executive Director Usec Ernesto Torres, dakkel latta ti posibilidad a mangrekrekrut dagitoy kadagiti agtutubo.
Inaramid ni Torres ti statement kalpasan ti pannakainayon ti NTF-ELCAC kas kamengda, ti Cocopea association of private schools.
Babaen ti panagadal da ket posible nga uray dagiti pribado nga eskuelaan ket nassereken dagiti leftist groups.
Inbatad na a nairanta ti panagiwaras da ti impormasyon tapno malapdan ti panagsali dagiti agtutubo.
Mapalawa pay ti national task a pannakaiwaras iti impormasion kadagiti pribado nga eskuelaan maipapan iti communist insurgency.
Nupay kasta, impaganetget ni Torres nga iti agdama awanen ti abilidad ti komunista a grupo nga espesipiko a makiranget ken mangisayangkat iti mass recruitment.
Maibasar iti datos manipud iti Armed Forces of the Philippines (AFP), nasurok laengen a sangaribo dagiti rebelde a komunista iti sidong ti uppat nga aktibo a gerilla front.
