LA UNION – Nakatuding nga idatag ti pulisya idiay piskalya iti kaso a panaglabsing ti Comprehensive on Dangerous Drugs Act kontra kadagiti tallo nga agtutubo a naaresto a maipagrup nga aglaklako iti droga idiay Barangay San Francisco, syudad ti San Fernando, La Union.
Nabigbig dagiti suspek nga isuda Hernan Andrade, 21, agtrabtrabaho kas helper iti maysa nga electric company; Ryan Fontanilla, 26, awanan ti trabaho; ken ti 4th year criminology student a ni Rommel Fontanilla, agpapada nga agnanaed iti syudad.
Naammuan ti Bombo Radyo iti San Fernando City Police, dua a sachet a naglaon iti maatap a marijuana ken P500 a buy-bust money iti maipagarup a narekobre manipud iti ikot dagiti suspek.
Agpapada a maipagarup a newly identified drug personalities dagiti naaresto.
Kabayatanna, naglibakan met dagiti suspek a kukuada dagiti nasao a droga.
