Kinumpirma ti liderato ti Department of Agriculture nga awanen ti nairekord a baro a kaso ti Bird flu kadagiti lugar iti probinsia ti Cagayan.
Gapu iti daytoy, opisial nga indeklara ti ahensia a bird flu free ti nadakamat a probinsia.
Segun iti DA, resulta daytoy ti non-stop monitoring kadagiti lugar a naapektaran ti sakit kadagiti billit aglalo kadagiti poultry.
Maipalagip a nainget ti pannakamonitor dagiti otoridad iti probinsia ti Cagayan gapu iti pannakaduktal ti H5N1 strain ti bird flu virus idi Enero ti napalabas a tawen.
Segun iti DA, ti probinsia ti Cagayan ket ruta talaga dagiti tumatayab ken migratory bird species a mabalin a kontaminado iti kastoy a virus.
