BR LA UNION – Agtultuloy ti panangtakwat ken panangadal ti Department of Agriculture (DA) dagiti mablin a rason nu apay nga agtaltalinaed a nangato iti presyo dagiti produkto a baboy iti merkado.
Iti panagrikos ti departamento kadwa da ti sumagmamano nga opisyal manipud Department of Trade and Industry (DTI), nakita ti sekretaryo nga adda problema iti presyuan dagiti karne a baboy, agsipudta agtaltalinaed a ₱420/kilo ti presyo daytoy.
Iti panagsalodsod ti Bombo Radyo iti sekretaryo, kinuna na nga ur-urayenna iti datos a nakalap ti ahensya seknan iti dandani ₱100 a ngimmatuann ti presyo kadagiti nasao a produkto.
Ngem inlawlawag na, adda dagiti reports a naawat ti opisina da, nga adda kadagiti retailers ti maipagarop a problema.
Kabayatanna, maysa a tindera iti nakisao iti sekretaryo tapno idanon ti sumagmamano a makagapo nu apay a dimmanon ti nasao a presyo ti karbe ti baboy.
Maibasar iti palawag ti tindera iti sekretaryo, dagiti middle man ken iti farm gate prices iti pagtataudan dagiti nasao a produkto.
Gaputi dayta a nadiskubre ti sekretaryo, kasapolan nga agbalin a nalaing ti ahensya tapno mamantinir na a patas para iti dadduma a sektor ti pork industry.
Kabayatanna, namnamaen a mangiruar ti desisyon iti departamento seknan iti panangituding ti maximum suggested retail price (MSRP) iti presyo ti karne ti baboy iti merkado inton bulan ti Marso.
Ngem depende daytoy nu agbalin a komportable ti ahensya kadagiti datos tapno saan nga agbiddut ken saan a maapektaran iti sektor da iti mairuar a desisyon.
