BR LA UNION – Impasigurado ti Department of Agriculture (DA) a ti P20 a bagas nga ilako ti gobyerno iti publiko inton Martes, wenno kalpasan ti eleksion ita a tawen, ket ‘fit for human consumption’.
Inlawlawag ni Assistant Secretary for Agribusiness, Marketing and Consumer Affairs a ni Atty. Genevieve Velicaria-Guevarra, dagiti bagas a mailaklako iti nadakamat a programa ket manipud amin iti aging stock ti buffer stock National Food Authority (NFA) buffer stock.
Inbatad na nga adda ti agdama a proyekto nga ad-adda a mangpababa iti presyo ken agbalin a P20/kilo, a parehas laeng ti kalidad ti bagas.
Impasigurado ni Guevarra a maipasidong ti bagas iti metikuloso a quality control ken siguraduenna a saan nga aglako ti ahensiada iti bagas a saan a pagnumaran ti publiko.
Impanamnama pay ni Guevarra a saan nga ilako ti departamentoda ti bagas, nangruna no makitada mismo nga adda depektona.
Kabayatanna, impaganetget pay ti opisyal nga uray isuda a mismo ken mang-mangan iti nasao a klase ti bagas, a gatangen ti NFA kadagiti lokal a mannalon kadagiti talon iti intero a pagilian.
Immuna a naiyuswat iti programa idiay Cebu ngem temporaryo a naisardeng gaputa election ban idinto a naitantan ti panagilako ti P20 rice idiay NCR kalpasan ti eleksyon.
