Inruaren ti Judicial Bar Council (JBC) ti opisyal a listaan dagiti aplikante para ti kina-Ombudsman.
Ti listaan ket pakairamanan da: Commission on Human Rights Commissioner Beda Epres; Supreme Court (SC) Associate Justice Samuel Gaerlan; sigud a Bureau of Internal Revenue commissioner Kim Jacinto-Henares ; Office of the President Deputy Executive Sec. for Legal Affairs Anna Logan; Retired SC Associate Justice Mario Lopez; sigud a PDP-Laban Secretary General Melvin Matibag; Sandiganbayan Associate Justice Michael Frederick Musngi; Justice Secretary Jesus Crispin Remulla; Philippine Charity Sweepstakes Office chairperson Felix Reyes; Daraga, Albay Municipal Trial Court Presiding Judge Jason Rodenas; sigud a Regional Trial Court Judge Benjamin Turgano; Philippine Competition Commission chairperson Michael Aguinaldo; Interior Undersecretary Romeo Benitez; Lawyer Jonie Caroche-Vestido; Court of Appeals (CA) Associate Justice Bautista Corpin Jr.; sigud a CA Associate Justice Stephen Cruz, ken Sandiganbayan Presiding Justice Geraldine Faith Econg.
Pinaregta ti Judicial Bar Council iti publiko nga ibinglay ti pakaseknan da kadagiti aplikante ken makita ti resulta ti survey inton Agosto 26.
Naituding met iti per batch interview kadagiti aplikante idiay SC Session Hall, Manila ken maisayangkat ti public interviews kenda Aguinaldo, Benitez , Caroche- Vestido, Corpin, ken Cruz inton Agosto 28; Econg, Epres, Gerlan, ken Jacinto-Henares inton Agosto 29; Setyembre 1 kenda Logan, Lopez, Matibag, ken Musngi; kasta met a Setyembre 2 para kenda Remulla, Reyes, Rodenas, ken Turgano.
Ti mapili kadakuada ket mangsukat iti imbati a puesto ni Ombudsman Samuel Martires a nagleppas ti termino na idi Hulyo 27 nga addaan iti fixed term a pito a tawen nga awan ti reappointment na.
Iti agdama ket temporario a dinutokan ti Malacanang ni Special Prosecutor ken sigud a Court of Appeals presiding justice Mariflor Punzalan-Castillo kas acting Ombudsman.
