Nagparang iti maysa a panagadal ti PLOS One dagiti isyu ti salun-at a mainaig dagiti brachycephalic dog breeds nga addaan ti flat a rupa.
Segun kenni Francesca Tomlinson, maysa a beterinario ti University of Cambridge, dagiti nalatak a breeds kas iti French bulldog ket nangyeg iti atension kadagiti kondision kas ti brachycephalic obstructive airway syndrome (BOAS).
Iti nasao a panagsukisok ket naisayangkay kadagiti agarup 900 nga aso kadagiti 14 a brachycephalic breeds manipud Setyembre 2021 aginggana Abril 2024.
Nasukimat dagiti panagangesda babaen ti standardized exercise tests, ken natakuatan dagiti nagduduma nga airway obstruction risks iti puli-da.
Agparparang iti panagadal nga 11% ken dandani 7% laeng iti naka-iskor ti kasalun-atan a grado, bayat a dagiti high risk ket ti Pekingese ken Japanese chin dogs.
Kangrunaan a rason ti airway obstruction ket iti panagbalin a flat ti rupa, nailet a nostrils, ken sobra a kinalupmeg.
Kenuna ni Dan O’Neill, maysa nga animal epidemiologist, nga dagiti puli ti aso nga addaan ti bassit a bungo ket negatibo a mangapektar iti abilidad dagiti aso nga agbiag ti normal.
Makatulong iti nasao a resulta kadagiti panagadal iti masangwanan, kangrunaan iti genetiko a rason ti isyu ti panaganges dagiti aso, ken mangparegta ti responsable a breeding practices a mangliklik iti exaggerated features.
Ti nangato a pannakaammo kadagiti respiratory issues kadagiti bulldogs ken pugs, kasaruno ti maysa a panagadal idi 2016, ket mabalin a makatulong kadagiti breeders a mangpili ti nasalun-at nga aso.###
