Sumangsango ti kaso a panaglabsing iti RA 10591 ti maysa a balo kalpasan a makumpiskaran kadagiti bala ken paltog idiay ili ti Luna, La Union.
Nabigbig ti suspek a ni Henry Valdez, 59, awanan trabaho, residente ti Barangay Nalvo Norte, ti nasao nga ili.
Natiliw daytoy babaen iti bileg ti search warrant nga impaulog ni Judge Marita Bernales Balloquing ti RTC Branch 20, idiay Vigan City, Ilocos Sur a napetsaan ti October 30, 2018.
Naala manipud iti kustodiya ti suspek ti (2) unit ti shotgun, (1) unit ti cal. 45, (3) magazine manipud iti cal. 45 nga naglaon ti 23 bala, (1) empty shell ti cal. 45, (1) live ammonition para iti cal. 38, (21) live ammonition para iti shotgun, ken (2) magazine ti M-16 riffle nga nagkarga ti 18 a bala tunggal maysa.
Iti agdama ket agtaltalinaed iti Luna Police Station ti suspek para iti umiso a disposisyon pakaibilangan dagiti bala ken paltog nga nakumpiskar kenkuana.
