BR LA UNION – Kinumpirma ni Metropolitan Manila Development Authority Chairman Romando Artes a tinakaw ita a lawas ti sumagmamano nga agtutubo iti kable ti CCTV Camera da idiay partena ti Guadalupe Footbridge siyudad ti Makati.
Kinuna na a maysa daytoy kadagiti us-usaren da a pag-monitor iti nasao a lugar, para iti No Contact Apprehension Policy wenno NCAP.
Segun pay kenni Artes, agtultuloy iti imbestigasyon ken panagkalap ti mas nalawlawag a footage tapno mabigbig dagiti suspek.
Mamati ni Artes a saan daytoy nga intentional nga aramid ngem panggep dagiti suspek nga ilako iti kable ti CCTV Camera.
Iti agdama, inurnos dan ti CCTV iti nasao a lugar tapno tuloy-tuloy latta ti panag-monitor ken siniguro ni Artes iti publiko ken kadagiti motorista nga ita a tawen, namnamaen a mai-simpada iti aganay 1,200 CCTV Cameras a mausar para iti NCAP.
