LA UNION – Iti uneg ti sumagmamano laeng nga aldaw, naminpinsan a naggibus ti nasurok 53 a tawen a panagturay ni ousted President Bashar al-Assad.
Nailadawan a historic moment wenno napnuan pakasaritaan iti panag-collapse ti rehimen al-Assad, nga isuti nanggibus ti 14 a tawen a civil war wenno riribok idiay Syria, a nakatayan ti gasut a ribu a Syrians.
Idi napan a lawas, kontrolado pay laeng ti sigud a rehimen Assad iti dackel a paset ti Syria.
Idi November 27, naggaraw iti rebel coalition ket inyuswat da ti dackel nga opensiba kontra iti puwersa ni Assad.
Immuna a rimmaut da idiay Idlib ken iti kabangibang nga Aleppo.
Kalpasan ti tallo nga aldaw, naagaw ken nakontrol dagiti opposition fighters wenno rebel coalition iti Aleppo, nga isuti maikadwa a kadackelan a siyudad idiay Syria.
