LA UNION – Nalaus ti panagyaman iti Dios dagiti Pilipino idiay Guam gapu iti kaudian a damag a saan pay laeng nga ituloy ti pagilian a North Korea ti pangtada a missile launch.
Iti pannakiuman ti Bombo Radyo ken ni Alex Coloma, maysa nga evangelist idiay Mangilao, Guam, kinunana a nabang-aran dagitoy manipud iti pangta nga iti katengngaan ti agdama a bulan ti panangipatayab ti Amianan a Korea iti nuclear missile.
Mangnamnama met daytoy a saanen nga ituloy ti komunista a pagilian ti planoda gapu iti ballaag ti Amerika nga inkaso nga adda ti mapasamak a panagraut ket tanda daytoy ti gubat.
Immunan nga impakaammo ni Coloma a saggaysa a sinarungkaran ti military dagiti residente iti nasao a teritoryo tapno maipanamnama a sumurotda iti direktiba ti gobierno.
Segun kenkuana, pinakdaaran ida ni Nathan Cintula, commanding officer ti navy nga agtalinaed a kalmado inkaso nga ituloy ti komunista a pagilian ti pangtada.
