Saan a kayat nga agkomento dagiti dadduma a Pilipino idiay London, United Kingdom mainaeg iti problema idiay Buckingham Palace.
Iti pannakiuman kadagiti saanen a nagpabigbig nga Overseas Filipino Workers idiay UK, narigat kunada a pakibiangan iti isyu ti royal family agsipudta daytoy ket maibilang a pribado.
Segun kadakuada, ipaimada ti isyu iti royal family agsipudta no rumuar nga awan iti kinaagpayso ti damag ket maibilang laeng a sayangguseng.
Innayonda pay a nangato ti panagkita ti nasao a pagilian kadagiti Pilipino sadiay isu a narigat ti agsao maipanggep iti problema dagitoy.
Maipalagip, nagbalin a naariwawa ti isyu ti British royal family kalpasan a nagpa interview da Prince Harry ken Megan Markle Duchess of Sussex kenni Oprah Winfrey no sadino aganay 12 million nga tattao idiay England iti nakabuya daytoy.
Inakuasaran ni Meghan ti royal family nga racist kalpasan nga saan a bigbiggen iti anakda ni Prince Harry gapu ti sabali a kolor daytoy.
