Nangipeksa manen ti baro a direktiba ken panangpalagip ni Philippine National Police (PNP) Chief Police Brigadier General Nicolas Torre III para kadagiti pulis a mamindua a daras a bumagsak ti yearly mandatory physical fitness test.
Inwaragawag ni Police Regional Office III Director ken PNP Spokesperson PBGen. Jean Fajardo a prayoridad ita ti baro nga hepe nga agbalin a napirmis ken napintas ti agbalin a resulta ti physical tests dagiti pulis tapno makita a fit-to-work pay dagitoy a saan laeng a babaen kadagiti papel wenno dokumento.
Kinunana nga apaman saan a pumasa ti dua a daras dagiti pulis ket saan dan a maipasidong ti re-training ken diskwalipikado dan to metten a subject for promotion.
Panggep ti physical tests a masiguro ti ti panagbalin a ‘fit’ dagiti kapulisan para ti panangiyuswat da kadagiti sinapataan da a mandato, saan laeng a kadagiti operasyon nu di ket para pay kadagiti dadduma nga aktibidad.
Kabayatanna, ikonkonsidera met ti baro a liderato ti organisasyon ti pammagbagi dagiti pulis a nasken ket maiyannurot met iti tawen, kinadangkaw, ken uray ti kinadagsen da.
