LA UNION – Awan iti sinayang a gundaway dagiti residente nga agnanaed iti isla ti Maui ken Hilo a sentro ti Hurricane Lane no sadino naibayog ti category 2 gapu iti tugot na a napigsa nga tudo ken angin.
Iti pannakiuman ti Bombo Radyo kenni Mrs. Marlyn Ofiaza Nerona, sigud nga empliyadgo ti Bombo Radyo La Union ken agnanaed itan idiay Honolulu Hawaii, idi pay aldaw ti huwebes a nag-evacuate dagiti residente ti Maui ken Hilo.
Segun kenkuana, saanda met a nakalasat iti panic buying no sadino dupudop dagiti aggatang ti danom, bagas, ken ultimo gasolinaan ket makiinnunada iti panagpakarga gaputa sumagmamano kadagiti pagtagilakuan ket nakarikepen.
Innayon na pay, no adda hurricane ken taget na iti estado ti Hawaii ket kanselado iti sirrek dagiti estudyante, dagiti opisina, byahe dagiti eroplano, kasta met ti funeral ken burial services.
Kabayatan na, uray saan unay kuna na nga napigsa ti angin ken tudo idiay Honolulu ket saanda nga iyaleng-aleng dagiti ballaag para met laeng iti kinatalged dagitoy.(Ann Sheryl)
