LA UNION – Kasaruno ti agdama a panagduprak ti Bagyo Marce, pinakdaaran ti Office of Civil Defense (OCD) dagiti umili nga agnanaed iti asideg ti Cagayan Valley River.
Dagidiay nailasin ti OCD a nangnangruna a nalaka a maapektaran iti layus ti karayan ket dagidiay agnanaed iti asideg ti:
Baliwag River
Cagayan River
Chico River
Dummon River
Imurong River
Lasam River
Linao River
Malanao River
Pared River
ken Pinacanaunan de Tugegarao
Malaksid iti napeggad unay a karayan, adda pay 18 a karayan a mabalin met a ngumato ti lebel ti danum da ken mangapektar kadagiti nabbababa a lugar.
Ti rekomendasion ti OCD, bantayan a naimbag dagiti update ti bagyo ken saan nga agduadua nga agbakwit no kasapulan.
Agtultuloy ti panangbalakad ti OCD kadagiti apektado nga umili a surotenda ti pakaammo ti gobierno tapno maliklikan ti pannakapukaw ti biag.
