LA UNION – Pimmigsa pay ti bagyo Marce ket maysa itan a Severe Tropical Storm, segun iti PAGASA.
Naudi a nasaripatpatan iti sentro ti nasao a bagyo iti kaadayu a 735 kilometro daya ti Baler, Aurora.
Kabuyog na iti kapigsa ti angin a 110 kilometro kada oras ken kapegges a dumanon iti 135 kilometro kada oras.
Agtur-turong iti laud amianan-a-palaud iti kapartak a 25 kilometro kada oras.
Maibasar iti inruar nga intensity outlook ti weather bureau, napaspas ti panag-pigsa ti bagyo MARCE ket agbal-balinen a typhoon ti kategorya na.
Namnamaen nga ag-landfall idiay bisinidad ti Babuyan Islands wenno mainland northern Cagayan inton rabii ti Huwebes (November 7) wenno agsapa ti Biyernes (November 8).
Nupay kasta, gaputi saan a masinunuo a pigsa iti high pressure area nga adda laeng iti amianan ti bagyo MARCE, posible nga agbaliw ti forecast track ket ag landfall idiay mainland Cagayan-Isabela area.
Kabayatanna, dagiti lugar a makapadas iti epekto ti bagyo Marce, a posible a mangigubway ti napigsa a tudo ken panaglayos ket dagiti lugar a nakaibayugan ti Signal #1:
- Batanes,
- Cagayan
- Babuyan Islands,
- Northern ken Eastern portion ti Isabela (Maconacon, San Pablo, Palanan, Dinapigue, Santa Maria, Cabagan, Tumauini, Santo Tomas,
Ilagan City, Divilacan, San Mariano), - Northern portion ti Apayao (Santa Marcela, Luna, Calanasan, Flora, Pudtol),
- Northern portion ti Ilocos Norte (Pagudpud, Dumalneg, Adams, Bangui, Burgos, Pasuquin, Vintar)
SUNRISE: 5:53 AM
SUNSET: 5:26 PM
