Impadamag ti Office of Civil Defense (OCD) nga addan ti P123.69 million nga ayuda a naiwaras ti gobierno a kadagiti biktima ti panagbettak ti Bulkan Kanlaon.
Maibasar iti datos ti OCD, 11,883 a pamilia wenno katupag ti 45,526 nga indibidual manipud iti 32 a barangay iti Region 6 (Western Visayas) ken 7 (Central Visayas) ti naapektaran iti agtultuloy a panagbettak ti bulkan.
Segun iti OCD, in-preposition ti Department of Social Welfare and Development (DSWD) ti pondo para iti agtultuloy a relief efforts, pakairamanan ti P 31.96 million Quick Response Funds, naka-preposition met ti ahensia iti 261,018 essential supplies ken P873-M a gatad dagiti non-food items.
Kabayatanna, nairekord ti Department of Agriculture (DA) ti P33.55M a pannakadadael ti sektor ti agrikultura iti Western Visayas, no sadino a naapektaran ti pagbiagan ti aganay 830 a mangngalap ken mannalon.
Ti agdama, agtaltalinaed ti Mount Kanlaon iti alert level 3, nu sadiay adda ti posibilidad ti napeggad a panagbettak iti sumaganad a sumagmamano nga aldaw wenno lawas.
