BR LA UNION – Naobserbaran ti ash emission manipud iti Bulkan Kanlaon idiay Negros Island ita nga agsapa ti Miyerkules, Oktubre 15.
Segun iti Philippine Institute of Volcanology and Seismology (Phivolcs), napasamak ti ash emission iti bulkan agarop alas 6:54 ti agsapa agingga alas-7:40 ti agsapa.
Nangipugso ti bulkan iti grayish plumes nga umabot ti 100 a metro ti kangato na manipud iti crater sakbay a nagturong iti abagatan-a-laud a direksiyon, maibasar iti nairekord ti Kanlaon Volcano Observatory-Canlaon City IP Camera.
Iti agdama, agtaltalinaed a nakangato ti Alert Level 2 iti bulkan, isunga napalagipan ti publiko a maipawil ti sumrek iti 4-kilometer radius Permanent Danger Zone ken panag-patayab ti eroplano ken daduma pay a lugan pang-tangatang asideg iti tuktok ti bulkan.
